कोसारीत विहिरीत पडल्याने तरुणाचा म्रुत्यु

   

जत/01,Aug.20

जत तालुक्यातील कोसारी येथे शंकर संभाजी भजनावळे रा.कडलास, ता.सांगोला (वय 22) या तरूणाचा विहिरीत पडल्याने बुडून मृत्यू झाल्याची घटना शनिवारी दुपारच्या दरम्यान उघडकीस आली. घटनास्थळी पोलिसांनी मृत्तदेह विहिरीबाहेर काढत शवविच्छेदनासाठी जत ग्रामीण रुग्णालयात पाठवला आहे. 

मयत शंकर  भजनावळे कोसारी येथे मामाकडे कामासाठी राहत होता. मात्र  गेल्या तीन दिवसांपासून तो बेपत्ता होता. याबाबतची फिर्याद मामा रावसाहेब हेगडे यांनी जत पोलिस ठाण्यात दिली होती. शोधाशोध केली असता शनिवारी कोसारी गावापासून अडीच किलोमीटर अंतरावर असणाऱ्या हेगडेवस्ती येथील विहिरीत भजनावळे याचा मृतदेह आढळून आला.याबाबतचा अधिक तपास पोलीस कॉन्स्टेबल आप्पासाहेब हाक्के करत आहेत.